AQShga borayotgan yoki tranzit orqali o`tadigan yo`lovchilar uchun qo`shimcha talablar qo`yildi. Bu haqda Uzbekistan Airways xabar bermoqda.
Qayd etilishicha, yo`lovchilar parvozdan kamida 24 soat oldin topshirilgan manfiy javobli PZR testi talab qilinadi. Shuningdek, yo`lovchilar maxsus attestasiya varaqasini to`ldirishi va ro`yxatdan o`tish paytida uni bosma shaklda taqdim etishi shart.
AQShga borayotgan yoki tranzit orqali o`tadigan yo`lovchilar, kelishlaridan kamida 15 kun oldin COVID-19 ga qarshi to`liq emlanganini tasdiqlaydigan guvohnomaga ega bo`lishi kerak. Quyidagi vaksinalar qabul qilinadi: AstraZeneca (SK Bioscience), AstraZeneca (Vaxzevria), Covishield, Covaxin, Janssen, Moderna (Spikevax), Pfizer-BioNTech (Comirnaty), Sinopharm va Sinovac.
Ushbu vaksinalarning kombinasiyasi (o`zaro qo`llanilishi), agar ular kamida 17 kun oralig`ida kiritilgan bo`lsa, ruxsat etiladi. Bu:
- AQSh fuqarolariga;
- AQShda yashash guvohnomasiga ega shaxslarga;
- 18 yoshga to`lmagan yo`lovchilarga;
- sog`lig`i sababli vaksinani ololmasligini tasdiqlovchi shifokorning maktubiga ega yo`lovchilarga;
- AQSh, boshqa hukumat yoki Birlashgan Millatlar Tashkiloti tomonidan taqdim etilgan taklifnoma xati yoki boshqa rasmiy hujjatga ega, xizmat yuzasidan sayohat qilayotgan yo`lovchilar uchun amal qilmaydi.
AQSh fuqarolariga muddati o`tgan pasport bilan kirishga ruxsat beriladi. Bu kelishi bilan amal qilishi kerak bo`lgan vaqtinchalik pasportlarga taalluqli emas. Yo`lovchilar o`z-o`zini izolyasiya qilish yoki karantinga olinishga majbur bo`lishi mumkin.
