Bugun, soat 12:35da "Qamchiq" dovoning 242 km. "Toshkent-Vodiy" yo`nalishida harakatlangan "Nexia" rusumli avtomashina haydovchisi boshqaruvni yo`qotishi natijasida yo`l chetidagi xandaqqa tushib ketgan.
Favqulodda vaziyatlar vazirligi avtomashina ichida haydovchining o`zi bo`lganligini va jarohat olmaganligini aytmoqda.
Voqea joyiga zudlik bilan "Qamchiq" Maxsus qidiruv, yong`in-qutqaruv boshqarmasi qutqaruvchilari maxsus "Kamaz" rusumli texnikasida chiqishib, xandaqdagi avtoulovni chiqarib olishda amaliy yordam ko`rsatishgan.
