Afg`oniston g`arbidagi Hirot shahrida shanba kuni kechqurun mikroavtobus portlashi oqibatida etti kishi halok bo`ldi,. Bu haqda mahalliy hukumat xabari asosida "Interfaks" ma`lum qildi.
Portlash oqibatida yana o`n kishi jarohat olgan va barchasi kasalxonaga yotqizilgan. Shifoxona tomonidan berilgan ma`lumotga ko`ra, halok bo`lganlarning to`rt nafari va yaralanganlarning besh nafari ayol ekanligi aytilmoqda.
Afg`on matbuotiga ko`ra, fojia viloyat markazidagi Hoji Abbos qishlog`ida sodir bo`lgan. Ijtimoiy tarmoqlardagi mahalliy jurnalistlarning xabar berishicha, bolalar, jumladan, yosh qizlar ham jabrlangan. Qayd etilishicha, yaradorlarning bir qismining ahvoli og`ir, shu bois qurbonlar soni ortishi mumkin.
Mamlakatda faoliyat yuritayotgan qurolli guruhlarning hech biri sodir bo`lgan voqea uchun javobgarlikni o`z zimmasiga olmadi.
