Ayni damda Bosh prokuratura huzuridagi Departament bu haqida ma`lumot bermoqda.
Qayd etilishicha, holatga DXXning Yakkasaroy tumani bo`limlari tomonidan o`tkazilgan tezkor tadbir davomida barxam berilgan.
Departamentga ko`ra, “M.N.” MChJga qarashli dorixona sotuvchisi B.A. xaridorga 2 dona kuchli ta`sir qiluvchi “Regapen” nomli dori vositasini 50 ming so`mga sotgan vaqtida ushlanib, ushbu dorixonadan tegishli hujjatlari bo`lmagan 947 dona “Regapen”, 131 dona “Zardeks” va 49 dona “Tropikomid” nomli dori vositalari ashyoviy dalil sifatida olingan.
Shu kabi vaziyat Mirzo Ulug`bek tumanida ham yuz bergan.
O`tkazilgan tezkor tadbirda fuqaro A.T., xaridor A.ga 50 dona “Zardeks” nomli kuchli ta`sir qiluvchi dori vositasini 900 ming so`mga sotgan vaqtida ashyoviy dalillar bilan ushlangan.
"Mazkur holatlar yuzasidan Jinoyat kodeksining tegishli moddalari bilan jinoyat ishlari qo`zg`atilib, tergov harakatlari o`tkazilmoqda",-deyiladi xabarda.
