Toshkent viloyatining Angren shahrida fuqaro quduqqa tushib ketgan. Bu haqda FVV ma`lum qildi.
Ma`lum bo`lishicha, soat 11:48 da Toshkent viloyati Angren shahar 3-yong`in-qutqaruv qismi dispetcherlik xizmatiga tashvishli xabar kelib tushgan.
Qutqaruvchilar zudlik bilan aytilgan manzil – Angren shahar Bunyodkor ko`chasiga etib bordilar.
Aniqlanishicha, fuqaro V.B. ichimlik suvini chiqarish uchun mo`ljallangan chuqurligi 16 metr bo`lgan quduq ichiga tushib ketgan kuchuk bolasini olib chiqmoqchi bo`lgan. Ammo u osilib tushayotgan arqon kutilmaganda uzilib ketishi natijasida quduqqa tushib ketgan.
Qutqaruvchilarning sa`y-harakatlari natijasida fuqaro va kuchuk bolasi quduq ichidan olib chiqildi.
