Qutqaruv ekipaji 1 soatda kelgani haqidagi ma`lumot rad etildi
Kecha, 15 fevral kuni soat 12:36 da Pastdarg`om tumanida joylashgan Juma avtoshox bekati hududidagi, yakka tartibdagi tadbirkorga tegishli bo`lgan "hot dog-shaurma" tayyorlash xonasida yong`in sodir bo`lgan.
Bu haqda tuman FVBga xabar kelib tushgan.
Ijtimoiy tarmoqlarda yong`in aks etgan video ham tarqaldi. Videoda izoxlanishicha, qutqaruv ekipaji yongin sodir bo`lgandan 1 soat o`tib etib kelgan. Favqulodda vaziyatlar vazirligi ushbu ma`lumotni rad etib, asl voqea tafsilotlarini bayon qildi.
Unga ko`ra, 2 ta yong`in-qutqaruv ekipaji voqea joyiga 1 soat emas, 5 daqiqada etib borib, 10 daqiqada yong`in bartaraf etilgan.
Yong`in oqibatida xonannig taxminan 8 kv.m. maydonda shift, tom qismi va ichki jihozlari yonib zararlangani aytiladi.
"Jabrlangan va halok bo`lganlar yo`q. Hozirda yong`inning kelib chiqish sababi va moddiy zarar miqdori aniqlanmoqda",-deyiladi xabarda.