Қутқарув экипажи 1 соатда келгани ҳақидаги маълумот рад этилди
Кеча, 15 февраль куни соат 12:36 да Пастдарғом туманида жойлашган Жума автошох бекати ҳудудидаги, якка тартибдаги тадбиркорга тегишли бўлган "hot dog-shaurma" тайёрлаш хонасида ёнғин содир бўлган.
Бу ҳақда туман ФВБга хабар келиб тушган.
Ижтимоий тармоқларда ёнғин акс этган видео ҳам тарқалди. Видеода изохланишича, қутқарув экипажи ёнгин содир бўлгандан 1 соат ўтиб етиб келган. Фавқулодда вазиятлар вазирлиги ушбу маълумотни рад этиб, асл воқеа тафсилотларини баён қилди.
Унга кўра, 2 та ёнғин-қутқарув экипажи воқеа жойига 1 соат эмас, 5 дақиқада етиб бориб, 10 дақиқада ёнғин бартараф этилган.
Ёнғин оқибатида хонанниг тахминан 8 кв.м. майдонда шифт, том қисми ва ички жиҳозлари ёниб зарарлангани айтилади.
"Жабрланган ва ҳалок бўлганлар йўқ. Ҳозирда ёнғиннинг келиб чиқиш сабаби ва моддий зарар миқдори аниқланмоқда",-дейилади хабарда.
