Avval xabar berganimizdek, ayni paytda Prezident raisligida oziq-ovqat masalalari yuzasidan videoselektor yig`ilishi o`tkazilmoqda.
Sherzod Asadovni xabar berishicha, davlat rahbari tomonidan yig`ilishda mutasaddilarga quyidagi topshiriqlar berilgan:
- 15 martga qadar har bir tumanda kamida 5 tadan mahallada Mirishkor tajribasini yo`lga qo`yish;
- 1 mayga qadar tomorqa xizmati korxonalari orqali Chust va Baliqchi tajribalarini barcha tumanlarda joriy etish va buning uchun oilaviy tadbirkorlik dasturlari doirasida 300 milliard so`m ajratish;
- 1 iyunga qadar Taxiatosh tajribasi asosida har bir viloyatda kamida 2 tadan loyihani ishga tushirish;
- 1 sentyabrga qadar har bir viloyatda kamida 2 mingtadan xonadonga naslli chorva mollarini tarqatishni tashkil etish.
Umuman, viloyat hokimlari yuqoridagi 3 ta tajriba asosida 2022 yilda jami 200 ming aholi bandligini ta`minlashga shaxsan mas`ul bo`lishi ko`rsatib o`tildi.
