O`zbekistonda o`tgan bir yilda 2426 kishi YTH qurboni bo`lgan

O`zbekistonda 2021 yil davomida sodir etilgan yo`l-transport hodisalari oqibatida 2426 kishi halok bo`ldi. Bu haqda Ichki ishlar vazirligi axborot xizmati YTHlar bo`yicha yillik statistikasida aytilgan.

Ma`lum bo`lishicha, mamlakat bo`yicha 2021 yilda jami 10 001 ta yo`l transport-hodisasi sodir bo`lgan. Quyida ularning hududlar kesimidagi ko`rsatkichlari e`lon qilingan:

• Qoraqalpog`iston — 506 ta;
• Xorazm — 342 ta;
• Buxoro — 436 ta;
• Navoiy — 329 ta;
• Samarqand — 1129 ta;
• Qashqadaryo — 552 ta;
• Surxondaryo — 376 ta;
• Jizzax — 321 ta;
• Sirdaryo — 202 ta;
• Toshkent viloyati —1336 ta;
• Toshkent shahri — 1073 ta;
• Namangan — 1082 ta;
• Andijon — 848 ta;
• Farg`ona — 1469 ta.

Shuningdek, sodir bo`lgan YTHlarning 268 tasida ayollar aybdor deb topilgan bo`lsa, 9733 tasida erkaklar tomonidan xatolikka yo`l qo`yilgan.