Yig`ilish avvalida davlat rahbari sahada amalga oshirilgan islohotlar haqida xabar berdi. Besh yillik Taraqqiyot strategiyasida eksportni 30 milliard dollarga, xorijiy turistlar sonini 7 millionga etkazish belgilab olingan.
Bu haqda Davlat rahbari huzurida 2022 yilda bojxona ma`murchiligini yanada takomillashtirish va sohani korrupsiyadan xoli tizimga aylantirish bo`yicha ustuvor vazifalar yuzasidan o`tkazilgan yig`ilishda ta`kidlangan.
“Bu katta marralar. Buning uchun, bojxona tizimi pastdan boshlab, eng yuqori bo`g`ingacha o`zgarishi kerak.
Topshirig`imga ko`ra, qo`mitaning yangi raisi bevosita postlarda xodimlar, aholi va tadbirkorlar bilan yuzma-yuz gaplashib, har bir masalani ichiga kirib o`rgandi.
Viloyat hokimlari bir narsani aniq tushunishi kerak. Bojxona postlari davlatimiz yuzi, birinchi taassurot ham aynan bojxonadan boshlanadi.
Bojxona postiga qarab, har bir hokimning madaniyatiga baho beriladi. Ular atrofida ravon yo`llar, ekilgan manzarali daraxt va gullar, aholi uchun qulay sharoitlar bo`lishi shart”, degan davlatimiz rahbari.
