"Diplomatik jarayonga ishoning, lekin har qanday holatga tayyor bo`ling". Ukraina inqirozi bilan bog`liq bu strategiya Evropa Ittifoqiga a`zo davlatlar tomonidan tasdiqlandi.
Ularning etakchilari Rossiya bilan kuchayib borayotgan keskinlikni muhokama qilish uchun Bryusseldagi norasmiy sammitda yig`ildi. Moskvaning Ukraina bilan chegaralardan qo`shinlarning qisman olib chiqilishi haqidagi bayonotlariga qaramay, Bryussel u erda vaziyat yaxshilanganini ko`rmayapti.
Mario Dragi, Italiya Bosh vaziri:
"Ayni damda erda keskinlik pasayganini ko`rsatadigan hech qanday alomat yo`q. Biz kutilmagan hodisalarga tayyor bo`lishimiz kerak",- dedi Moskvaga safar qiladigan Italiya hukumati rahbari. U yaqin kunlarda Rossiya prezidenti Vladimir Putin bilan uchrashishi aytadi.
Evropa Ittifoqi etakchilari, shuningdek, Rossiya harbiylari Ukrainaga bostirib kirishi mumkinligi munosabati bilan Evropa komissiyasi tomonidan tayyorlangan sanksiyalarni ham muhokama qildi. Chora-tadbirlar 27 davlati tomonidan tasdiqlanishi kerak.
Jozep Borrel, Evropa Ittifoqi diplomatiyasi rahbari:
"Evropa bu masalada hamfikr. Sanksiyalar barcha a`zo davlatlarning ma`qullanishini talab qiladi. Bugun esa hamma bir ovozdan ularni qo`llashga tayyorligini ta`kidladi"-deydi u.
"Bu juda qiyin paket", deya qo`shimcha qildi Evropa diplomatiyasi rahbari, tafsilotlarni oshkor qilmasdan.
Sanksiyalar energetika va moliya sohalariga ta`sir qilishi mumkin. Ammo Bryussel inqirozdan diplomatik yo`l bilan chiqishga ishonishini ta`kidlamoqda.
Sharl Mishel, Evropa Kengashi rahbari:
"Men Zelenskiy bilan telefon orqali suhbatlashdim. U meni erdagi so`nggi o`zgarishlar haqida ma`lumot berdi. Biz Rossiyani vaziyatni pasaytirishga chaqirmoqdamiz. Bizga ko`zga ko`rinarli natijalari kerak".
Sammit ishtirokchilari Ukraina sharqida jangovar harakatlar kuchayayotgani haqidagi ma`lumotni tasdiqlashgan.
Dilbar Abdunabieva
