Bugun, 24 fevral kuni Xitoyda bo`lib o`tadigan Osiyo kubogining saralash bosqichiga qur`a tashlandi. Bu haqda O`zbekiston Futbol assosiasiyasi xabar berdi.
O`zbekiston milliy terma jamoasi JCh-2022 saralash bosqichining uchinchi raundiga chiqa olmagani bois, vakillarimiz endi Osiyo Kubogi yo`llanmasi uchun saralash o`yinlarida ishtirok etishadi.
Qur`aga natijalariga ko`ra, O`zbekiston milliy terma jamoasi Tailand, Maldiv orollari va Shri Lanka bilan "C" guruhidan joy oldi. O`zbekiston Futbol assosiasiyasi xabariga ko`ra ilk uchrashuv 8-iyun kuni Shri Lanka jamoasiga qarshi o`tkaziladi.
Osiyo Kubogiga har bir guruh g`oliblari va 5ta eng yaxshi ikkinchi o`rin sohiblari yo`llanma olishadi.
