Kecha Kinematografiya agentligi bosh direktori Firdavs Abduxoliqov Jazoirning O`zbekistondagi elchisi Noser Busherit hamda vakil Fudzio Xebib bilan uchrashdi.
Uchrashuvda mamlakatlari o`rtasida diplomatik aloqalar o`rnatilganining 30 yilligi hamda Jazoir mustaqilligining 60 yilligi munosabati bilan Jazoirda “O`zbek kinosi kunlari” va O`zbekistonda “Jazoir kino kunlari”ni o`tkazish bilan bog`liq masalalar ko`rib chiqildi.
Uchrashuv davomida O`zbekiston suratga olish guruhi tomonidan Jazoir mustaqilligining 60 yilligiga bag`ishlangan hujjatli film suratga olish va “Jazoirda o`zbek kinosi kunlari”ning ochilish marosimida namoyish etish taklifi ilgari surildi.
Ikki davlat kino kunlari doirasida O`zbekiston telekanallarida Jazoir filmlari, Jazoir telekanallarida O`zbekiston filmlarini namoyish etish masalasi ham muhokama qilindi. Eslatib o`tamiz, “Kino kunlari” davomida o`zaro hamkorlikda filmlar yaratish bo`yicha shartnomalar imzolanadi.