Кеча Кинематография агентлиги бош директори Фирдавс Абдухолиқов Жазоирнинг Ўзбекистондаги элчиси Носер Бушерит ҳамда вакил Фудзио Хебиб билан учрашди.
Учрашувда мамлакатлари ўртасида дипломатик алоқалар ўрнатилганининг 30 йиллиги ҳамда Жазоир мустақиллигининг 60 йиллиги муносабати билан Жазоирда “Ўзбек киноси кунлари” ва Ўзбекистонда “Жазоир кино кунлари”ни ўтказиш билан боғлиқ масалалар кўриб чиқилди.
Учрашув давомида Ўзбекистон суратга олиш гуруҳи томонидан Жазоир мустақиллигининг 60 йиллигига бағишланган ҳужжатли фильм суратга олиш ва “Жазоирда ўзбек киноси кунлари”нинг очилиш маросимида намойиш этиш таклифи илгари сурилди.
Икки давлат кино кунлари доирасида Ўзбекистон телеканалларида Жазоир фильмлари, Жазоир телеканалларида Ўзбекистон фильмларини намойиш этиш масаласи ҳам муҳокама қилинди. Эслатиб ўтамиз, “Кино кунлари” давомида ўзаро ҳамкорликда фильмлар яратиш бўйича шартномалар имзоланади.
