Xitoy Xalq Respublikasi raisi Si Jinping va AQSh prezidenti Jo Bayden telefon orqali muloqot o`tkazishdi. Bu haqda Xitoy markaziy televideniesiga tayanib, TASS xabar bermoqda.
Qayd etilishicha, ikki davlat rahbarlarining muloqoti qariyb ikki soat davom etgan.
Muloqot yopiq formatda o`tkazilgan va jarayonda bir qator muhim masalalar muhokaa qilingan. Asosan Ukrainadagi vaziyat bo`yicha tomonlar o`zaro fikr almashishgan.
Suhbat chog`ida, ta`kidlanganidek, Xitoy etakchisi tinchlikni saqlash tarafdori bo`lgan va Baydenni Xitoy hamda AQSh o`rtasidagi munosabatlarni normallashtirishga harakat qilishga taklif qilgan.
