Hayotingizni engillashtiruvchi 6 ta mobil dastur

Hi-tech 20.06.2016, 10:59
Teglar: Apple, iPhone
Hayotingizni engillashtiruvchi 6 ta mobil dastur

Biz bugungi kunda hayotimizni smartfonlarsiz tasavvur qila olmaymiz. Bu hayratlanarli holat emas: Axir ular vositasida biz o`zimiz uchun foydali dasturlarni yuklab olishimiz mumkin. Mazkur dasturlar esa nafaqat vaqtimizni sermazmun o`tkazishga yordam beradi.
 
Yo`qolib qolgan smartfonni qanday topish mumkin? 
Android

Ba`zan telefonimizni qaerga qo`yganimiz esdan chiqadi. Mana shunday paytlarda biz uni topish uchun ozmuncha kuch sarflamaymiz. Biroq bu ishni osongina uddalaydigan mobil dastur bor: Clap! Phone Finder. Mazkur dasturni yuklab olgan bo`lsangiz, qo`llaringiz bilan chapak chaling. Shunda smartfon qaerda ekanligini o`zi “aytadi”. Undan taralayotgan ovoz va uning balandligini esa o`zingiz belgilaysiz. Mazkur dastur 2 % akkumulyator quvvatini talab qiladi. 

Televizor pulti buzilib qolsa...
iOS, Android

Remote Mouse dasturi yordamida televizor yoki kompyuetrni telefon vositasida boshqarishingiz mumkin. Televizor pulti sinib yoki yo`qolib qolganida bu dastur sizga qo`l keladi. 

Qaysi kiyimimni kiysam ekan?
iOS va Android

GoodLook — Moda va uslub bo`yicha mobil maslahatchi. U sizga qaerga qanday ko`rinishda borish va kiyimingizni boshqa aksessuarlar bilan moslashtirish haqida maslahatlar beradi. Har kuni AQShlik va rossiyalik stilistlar so`nggi urfdagi erkaklar va ayollar liboslari haqida ma`lumotlar beradi. 

Qo`shiqni kim aytyapti?
iOS, Android 

SoundHound dasturi yordamida bizga yaqin hududda yangrayotgan musiqa haqida ma`lumotlar olishimiz mumkin. Bizdan talab etiladigani dasturdagi sariq rangdagi tugmani bosish. Shu ondayoq smartfon ekranida qo`shiq haqidagi ma`lumotlar va uning so`zlari paydo bo`ladi. Agar qaysidir qo`shiq sizga yoqib qolsa, undan ozgina parcha kuylasangiz, smartfon shu ondayoq mazkur taronani topib beradi. 

Barvaqt turish uchun nima qilish kerak?
Android

 
Hammamiz erta tongda uyg`onishimiz kerak bo`lgan vaqtni uyg`otgichga kiritishga odatlanganmiz. Biroq uyg`onadaigna vaqtimiz kelganida esa uyg`otgichni takror-takror o`chiramiz va yana uxlashda davom etamiz. 

Bu yomon odatimizdan voz kechishda bizga Puzzle Alarm Clock dasturi yordam beradi. Dastur sizni uyg`otmasdan vo`ymaydi. Tinimsiz yangrayotga6n musiqa to`xtashi uchun savol va topishmoqdarga javob berishingiz kerak.

Telefon suhbatlarini yozib olish mumkinmi?
Android

Telefondagi suhbatlar vaqt o`tib kerak bo`lib qolishi mumkin. Ammo Android tizimidagi smartfonlarda mazkur funksiya ko`zda tutilmagan. Automatic Call Recorder mobil dasturini yuklab olsangiz, siz telefondagi suhbatlarni yozib olishingiz va ularni saqlab qo`yishingiz mumkin. 

Dasturni yuklab olganingizdan so`ng uning sozlamalarini to`g`irlang. Har bir suhbat tugaganidan so`ng smartfon ekranida uning muvaffaqiyatli yozib olinganligi haqidagi ma`lumot paydo bo`ladi. 

Chet tilini o`rganishimizga ko`maklashuvchi dastur
iOS, Android

Words dasturi ingliz tilidagi so`zlarni o`rganish uchun yaratilgan. Dasturdagi 26 ta mavzuli bloklardan o`zingizga keraklisini tanlab oling. Words lug`ati esa   noto`g`ri fe`llar va iboralardan iborat. Siz qandaydir so`zni eslab qolishga qiynalayotgan bo`lsangiz, bu maxsus test orqali aniqlanadi va dastur xotirangizni mustahkamlovchi topshiriq beradi.

Diqqat, diqqat! “Darakchi.uz"ning Telegram’dagi rasmiy kanaliga a`zo bo`lib, yangiliklardan boxabar bo`ling!

Sharhlar

⚡️iPhone 16 ko`rinishi e`lon qilindi

13.02.2024, 09:36

Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...
Dunyoning 2021 yildagi eng qimmat kompaniyalari reytingi e`lon qilindi

04.01.2022, 22:03

Amerika IT-konsernlari 2021 yil yakunlariga ko`ra, dunyoning eng qimmat kompaniyalari reytingini e`lon qildi. Bu haqda Reuters agentligi xabar berdi. Unga ko`ra, reytingni qariyb 3 trln dollarga...
Apple kompaniyasining daromadi o`tgan yilga nisbatan 29 foizga oshgan

29.10.2021, 22:02

2021 yilning so`nggi choragi yakunlariga ko`ra, Amerikaning “Apple” kompaniyasining daromadi o`tgan yilga nisbatan 29 foizga oshgan. Bu haqda TASS xabar berdi.Qayd etilishicha, 25 sentyabrda yakunlangan...
Pandemiya sharoitida Apple savdosi 111 milliard dollarga oshdi

28.01.2021, 13:22

Rojdestvo davrida oilalar firmaning eng so`nggi telefonlari, noutbuklari va gadjetlarini yuklaganligi sababli, Apple sotuvlari yana bir rekord o`rnatdi. 2020 yilning so`nggi uch oyida sotuvlar $ 111...
Ob-havo: Toshkent
Valyuta kursi
1