11 aprel kuni Meksikada tennis bo`yicha “Challenger” tasnifiga kiruvchi “San Luis Potosi” turniriga start berilgan edi. Mazkur turnirda mamlakatimizning birinchi raqamli tennischisi Denis Istomin ikkinchi uchrashuvini o`tkazdi. Bu haqda Sportni rivojlantirish vazirligi matbuot xizmati xabar bermoqda.
Ma`lum qilinishicha, ATP reytingida 296-o`rinda borayotgan Istomin reytingda 143-o`rinni egallab turgan amerikalik tennischi Ernesto Eskobedoga qarshi kortga chiqdi.
Uchrashuvda hamyurtimiz amerikalik raqibidan 4:6, 6:4, 3:6 hisoblarida mag`lub bo`ldi.
Natijada, o`zbekistonlik tennischi Meksikadagi turnirning 1/8 finalidayoq ishtirokini yakunlandi.
Ma`lumot uchun, “San Luis Potosi” turniri g`olibi 17 aprel kuni aniqlanadi.
