Ilon Maskning Twitter'ni xarid qilishi Donald Trampning ijtimoiy tarmoqqa qaytishiga olib kelishi mumkin. Bu haqda Oq uydagi ayrim manbalariga tayanib, CNBC telekanali xabar berdi, deya yozmoqda "Zamon"nashri.
Unga ko`ra, AQSh prezidenti administrasiyasida yuqoridagi masala bo`yicha xavotirlar bor. Shuningdek, Oq uy endilikda tarmoqda yolg`on axborot ko`payib ketishidan ham xavfsiramoqda. Bu o`z navbatida 2022 yilning kuzidagi AQSh Kongressi uchun oraliq saylovlar va 2024 yilgi prezident saylovlarida demokratlar partiyasi pozisiyasining zaiflashuviga olib kelishi mumkin.
Tramp o`z navbatida Twitter'ga qaytmasligini o`zi asos solgan Truth Social ijtimoiy tarmog`ida qolishini ma`lum qildi. 2021 yil 6 yanvar kuni sobiq prezidentning Twitter va Facebook'dagi sahifalari bloklab qo`yilgandi.
Eslatib o`tamiz, kecha, 25 aprel kuni Ilon Mask Twitter'ni 44 milliard dollarga sotib oldi.
