Joriy yilning 13-18-may kunlari Toshkentdagi suv sporti turlariga qarashli Respublika oliy sport mahorati maktabining suzish havzasida suv polosi bo`yicha kattalar o`rtasida mamlakat chempionati bahslari bo`lib o`tadi.
Bu haqda Sportni rivojlantirish vazirligi xabar bermoqda.
Qayd etilishicha, erkaklar o`rtasida Toshkent shahri, Namangan viloyati, O`zbekiston suzish federasiyassi, “Germes Tristmegist”, Toshkent shahar Yakkasaroy tumanidagi 1-son bolalar va o`smirlar sport maktabi hamda Namangan viloyati suv sporti turlariga ixtisoslashgan bolalar va o`smirlar sport maktabi jamoalari sovrinli o`rinlar uchun kurash olib borishadi.
Xotin-qizlar o`rtasida esa Toshkent shahri, Namangan va Xorazm viloyatlari, shuningdek, suv sporti turlariga qarashli Respublika oliy sport mahorati maktabi hamda Xorazm viloyati suv sporti turlariga ixtisoslashgan bolalar va o`smirlar sport maktabi jamoalari O`zbekiston chempionatining medallari uchun bahs yuritishadi.
Bugun, 13 may kuni o`tkaziladigan ilk bahslarda quyidagi jamoalar o`zaro kuch sinashadilar.
Xotin-qizlar jamoalari:
ROSMM – Namangan viloyati;
Toshkent shahri – Xorazm viloyati.
Erkaklar jamoalari:
1-BO`SM (Yakkasaroy tumani) – “Germes Tristmegist” SK;
O`zbekiston suzish federasiyassi – Namangan viloyati;
IBO`SM (Namangan viloyati) – Toshkent shahri.
