Xorazm viloyatida fuqaroni fohishalik qilish uchun olib ketayotgan ayol aeroportda ushlandi. Bu haqda Bosh prokuratura huzuridagi Departament xabar bermoqda.
Ma`lum qilinishicha, Departament hamda DXXning Tuproqqal`a tumani bo`limlari tomonidan fuqaro G.ning murojaatiga asosan o`tkazilgan tezkor tadbirda, fuqaro Z.L. boshqa bir fuqaro G.ni Turkiya davlatiga fohishalik qilish uchun olib ketayotgan paytida Urganch xalqaro aeroportida ashyoviy dalillar bilan ushlangan.
Mazkur holat yuzasidan Jinoyat kodeksining 135-moddasi (odam savdosi) bilan jinoyat ishi qo`zg`atilib, tergovga tegishliligi bo`yicha yuborilgan.
