Bugun 13 may kuni Shanxay hamkorlik tashkiloti Bosh kotibi Chjan Min Toshkentga keldi.
Toshkent xalqaro aeroportida yuqori martabali mehmonni O`zbekiston Respublikasi tashqi ishlar vaziri o`rinbosari Furqat Sidikov kutib oldi.
Chjan Minning mamlakatimizga tashrifi mobaynida O`zbekistonning ShHTga raisligi doirasidagi tadbirlarga tayyorgarlik ko`rish va o`tkazish bilan bog`liq masalalarni muhokama qilish rejalashtirilgan.
