Bugun erta tongda Turkiyaning Istanbul shahrida o`tkazilgan kikboks bo`yicha 7-xalqaro Jahon kubogi musobaqasida munosib ishtirok etgan sportchilarimiz mamlakatimizga qaytib kelishdi. Bu haqda Sportni rivojlantirish vazirligi matbuot xizmati xabar bermoqda.
Kikbokschilarimizni Islom Karimov nomidagi Toshkent xalqaro aeroportida Sportni rivojlantirish vaziri o`rinbosari Abdullo Aslonov, O`zbekiston kikboksing federatsiyasi rahbariyati hamda OAV vakillari tantanali ravishda kutib olishdi.
12-15 may kunlari o`smirlar, yoshlar va kattalar o`rtasida bo`lib o`tgan ushbu nufuzli musobaqada jahonning 50dan ortiq davlatidan jami 3 300 nafar sportchi g`oliblik uchun bahs olib bordi.Unda O`zbekiston sharafini 62 nafar sportchi 6 ta yo`nalishda munosib himoya qildi.
Yakunda kikbokschilarimiz O`zbekistonga 8ta oltin, 13 ta kumush, 12 ta bronza, jami 33 ta medal bilan qaytishdi.