Ijtimoiy tarmoqlarda poytaxtning ayrim hududlarida "sevt" o`chgani haqida xabarlar tarqaldi.
"Toshkent shahar elektr tarmoqlari" matbuot xizmati ma`lum qilishicha, bugun, 22 may kuni Toshkent shahrining Yangihayot tumanidagi quvvati 10 kV bo`lgan yuqori kuchlanishdan chiquvchi er ostidan o`tgan kabel` tarmog`iga shikast etkazilishi natijasida avariya holatida ta`minotda o`chishlar kuzatildi.
Tumanning Choshtepa ko`chasida joylashgan plastmassa sexi hududidan o`tgan quvvati 10 kV bo`lgan yuqori kuchlanishli kabel` tarmoqlarini noma`lum pudratchi tashkilot tuman elektr ta`minot korxonasi bilan kelishilmagan holda o`zboshimchalik bilan er qazish ishlari olib borishi natijasida er ostidan o`tgan yuqori kuchlanishli kabel tarmoqlari uzib yuborilgan.
Buning natijasida, elektr energiyasi bilan ta`minlanuvchi Yangihayot tumanidagi Choshtepa mahallasi, Yangi Choshtepa ko`p qavatli hamda erli aholi yashash xonadonlarida elektr energiyasi ta`minotida uzilish sodir bo`lgan.
Ayni paytda ushbu holat bo`yicha "Toshkent shahar elektr tarmoqlari" tasarrufidagi Yangihayot tuman elektr ta`minoti korxonasi yuqori kuchlanishdagi avariya holatlarini barataraf etish maxsus tezkor ishchi-brigada xodimlari tomonidan nosozliklarni bartaraf etish bo`yicha ta`mirlash ishlari olib borilmoqda.
- Tez fursatlarda nosozlik bartaraf etilib, elektr ta`minoti tiklanishini ma`lum qilamiz, - deyiladi Matbuot xizmati xabarida.
