Xitoyning O`zbekistondagi elchixonasi Jizzax viloyatining Forish tumanidagi suv toshqinidan jabrlanganlarga gumanitar yordam ko`rsatdi.
Shu tariqa, diplomatik missiya “Yuksalish” milliy harakati tashabbusi bilan tashkil etilgan xayriya aksiyasiga qo`shildi va hududdagi jabrdiydalarga guruch, bug`doy uni va iste`mol yog`i kabi oziq-ovqat to`plamlari partiyasini zudlik bilan etkazib berdi.
“Yuksalish” milliy harakati raisi Bobur Bekmurodov elchixonaga ko`rsatilayotgan yordam uchun minnatdorlik bildirib, suv toshqini sodir bo`lganda Xitoy tomoni birinchilardan bo`lib O`zbekiston tomoniga yordam qo`lini cho`zganini ta`kidladi.