Joriy yilning 26 may kuni Adliya vazirligi tomonidan sport sohasida faoliyat yuritayotgan federasiya va assosiasiyalar vakillariga seminar-trening tashkil etildi.
Tadbirda Milliy olimpiya qo`mitasi va sport bo`yicha faoliyat ko`rsatuvchi 80 dan ortiq nodavlat notijorat tashkilotlari vakillari ishtirok etishdi.
Seminar-trening davomida nodavlat notijorat tashkilotlari faoliyatining huquqiy asoslari, qabul qilingan qonun hujjatlari mazmuni, amalga oshirilayotgan islohotlar haqida batafsil ma`lumotlar berildi, shuningdek ular faoliyatida yuzaga kelayotgan muammolar va yo`l qo`yilgan kamchiliklar muhokama etildi.
Xususan, o`tkazilishi rejalashtirilgan tadbirlar to`g`risida xabarnoma berish, xorijiy donorlardan pul mablag`lari olishni kelishish tartibi, yillik hisobotlar topshirish bilan bog`liq masalalarga to`xtalib o`tildi.
Adliya vazirligi, Sportni rivojlantirish vazirligi va Milliy olimpiya qo`mitasi o`rtasida elektron axborot almashinuvini yo`lga qo`yish orqali sport tashkilotlariga qulayliklar yaratish, chet ellik murabbiylarni akkreditasiyadan o`tkazish jarayonlarini soddalashtirish, shuningdek sohani yanada rivojlantirish masalalari alohida ko`rib chiqildi.
Tadbir davomida nodavlat notijorat tashkilotlari vakillari bilan kelgusida bu kabi tadbirlarni ko`proq tashkillashtirilishiga kelishib olindi.
Adliya vazirligi Jamoatchilik bilan aloqalar bo`limi
