Bugun, 31 may kuni Toshkentdagi Xalqaro kurash assosiasiyasi (IKA) bosh qarorgohida o`tgan umumiy yig`ilishda IKA bosh kotibi Umid Yoqubov boshqa ishga o`tgani munosabati bilan o`z lavozimini tark etganligi e`lon qilindi.
Ma`lum bo`lishicha, IKA texnik direktori Muhammad Rizo Nassiri kelasi yilgi saylovlarga qadar IKA Bosh kotibi vazifasini bajaruvchi etib tayinlangan.
Eslatib o`tamiz, Umid Yoqubov qariyb 22 yil Xalqaro kurash assosiasiyasi bosh kotibi sifatida faoliyat yuritgan.
