Osiyo futbol konfederasiyasi (OFK) U-23 Osiyo Kubogi finalini boshqaradigan hakamlar ro`yxatini e`lon qildi.
Qayd etilishicha, O`zbekiston va Saudiya Arabistoni U-23 jamoalari o`rtasidagi musobaqaning hal qiluvchi o`yinini qatarlik hakamlar brigadasi boshqarib boradi. Bosh hakam — Salman Ahmad Falahi. Unga qanotlarda Yusuf Aref ash-Shamari hamda Zahiy Snaid ash-Shammari yordam beradi.
Uchrashuvda VAR hakami vazifasi Omar Muhammad Ahmad Hassanga (BAA) topshirilgan.
Eslatib o`tamiz, final uchrashuvi bugun, yakshanba kuni soat 18:00 da "Bunyodkor" stadionida bo`lib o`tadi.