Sal avval Shavkat Mirziyoev va Ilhom Aliev tor doirada uchrashuv o`tkazganini ma`lum qilgandik.
Ayni damda prezident matbuot xizmatining ma`lum qilishicha, O`zbekiston Respublikasi Prezidenti Shavkat Mirziyoev va Ozarbayjon Respublikasi Prezidenti Ilhom Aliev ikki mamlakat delegasiyalari ishtirokida kengaytirilgan tarkibda muzokara o`tkazdi.
Davlat rahbari yig`ilishni ochar ekan, Ozarbayjon O`zbekistonning yaqin do`sti va vaqt bilan sinalgan, ishonchli strategik sherigi ekanini ta`kidlagan.
Ma`lum qilinishicha, O`zbekiston rahbari hamkorlik uchun mavjud ulkan salohiyatni ishga solish, ikki mamlakat iqtisodiyotini to`ldirib turuvchi omillardan foydalanish zarurligini qayd etgan.
"Hamkorlikning yana bir istiqbolli yo`nalishi – qishloq xo`jaligi. Bu boradagi imkoniyatlar qayd etilar ekan, mutasaddi vazirlarga ipakchilik klasterini tashkil etish, g`o`zachilikdagi loyihalarni ilgari surish, innovasion ishlanmalarni joriy qilish bo`yicha “yo`l xaritasi”ni kelishib olish topshirildi.
Ko`p qirrali hamkorlikni kengaytirishda hududlar o`rtasidagi to`g`ridan-to`g`ri aloqalar muhim o`rin tutadi. Tomonlar yaqin fursatda mamlakatlarimiz poytaxtlari va yirik shaharlari o`zaro hamkorlik munosabatlarini yo`lga qo`yishiga kelishib oldilar. Davlatimiz rahbari joriy yilda Toshkent shahrida birinchi Hududlar forumi va ularning sanoat salohiyatiga bag`ishlangan ko`rgazmani o`tkazish taklifini ilgari surdi",-deyiladi xabarda.
Tadbirda shu jumladan, tomonlar yaqin fursatda mamlakatlar poytaxtlari va yirik shaharlari o`zaro hamkorlik munosabatlarini yo`lga qo`yishiga kelishib olishgan. O`zbekiston rahbari joriy yilda Toshkent shahrida birinchi Hududlar forumi va ularning sanoat salohiyatiga bag`ishlangan ko`rgazmani o`tkazish taklifini ilgari surgani aytiladi.
"Prezidentlar bu borada alohida dastur qabul qilish va qo`shma turizm yarmarkasini o`tkazish g`oyasini qo`llab-quvvatladilar",-deyiladi xabarda.
Muzokaralar chog`ida madaniy-gumanitar aloqalarni mustahkamlash, jumladan, Madaniyat va kino kunlarini o`tkazish, oliy ta`lim dargohlari, ilmiy muassasalar, sport va yoshlar tashkilotlari o`rtasidagi aloqalarni kuchaytirish yuzasidan qator boshqa kelishuvlarga ham erishilgan.
