Hindistonda velosportning trek yo`nalishi bo`yicha Osiyo chempionati o`z yakuniga etdi. 18-22 iyun kunlari o`tgan musobaqada O`zbekiston terma jamoasi vakillari 8ta medal qo`lga kiritishdi. Bu haqda Sportni rivojlantirish vazirligi xabar bermoqda.
Ta`kidlanishicha, yoshlar o`rtasida ochkolar bo`yicha guruh poygasi dasturida kechgan bellashuvlarda o`zbek sportchilari raqiblarini katta farq bilan ortda qoldirishga erishdi.
Velosport bo`yicha OCh,
Yigitlar, ochkolar bo`yicha guruh poygasi (U-20):
1. Farruh Bobosherov (O`zbekiston) – 74 ochko;
2. Li Sungyonu (Koreya Respublikasi) – 24;
3. Yumnam Birdjit (Hindiston) – 23.
Shuningdek, bugungi bellashuvlarda Asal Rizaeva, Nafosat Kozieva hamda Yanina Kuskova juftligi medison dasturida bronza medallariga sazovor bo`lishgani aytiladi. Shu tariqa, velotrek bo`yicha O`zbekiston terma jamoasi qit`a birinchiligini 1 ta oltin va 7 ta bronza medallari bilan yakunladi.
Jamoa quyidagi yo`nalishlarda medallarga sazovor bo`ldi:
Oltin:
Farruh Bobosherov – yoshlar o`rtasida ochkolar bo`yicha guruh poygasi.
Bronza:
Yanina Kuskova – ayollar o`rtasida individual poyga;
Sofiya Karimova – qizlar o`rtasida ochkolar bo`yicha guruh poygasi;
Vladislav Troman – yigitlar o`rtasida omnium poygasi;
Yanina Kuskova – ayollar o`rtasida ochkolar bo`yicha guruh poygasi;
Sofiya Karimova – qizlar o`rtasida skretch dasturi;
Asal Rizaeva – qizlar o`rtasida omnium dasturi;
Nafosat Kozieva hamda Yanina Kuskova – ayollar o`rtasida medison, juftlik.
