Shavkat Mirziyoev bugun, 3 iyul kuni yana Nukusga uchib ketdi. Buni Flightradar24 xizmati tasdiqlaydi.
Davlat rahbari kecha ommaviy namoyishlar bo`lib o`tgan Qoraqalpog`istonda bo`lib, u erdan kechasi qaytib kelgandi. Davlat rahbari deputatlar, jamoatchilik faollari bilan uchrashib, Konstitusiyaning Qoraqalpog`istonga tegishli qismlari o`zgarishsiz qolishini ta`kidlab o`tkandi.
Ma`lumot uchun, 1 iyul kuni Nukusda ommaviy tartibsizlik yuzaga keldi. Shundan so`ng Qoraqalpog`iston Respublikasi Jo`qorg`i Kengesi holat yuzasidan rasmiy axborot e`lon qildi. Qayd etilishicha, O`zbekiston Respublikasida olib borilayotgan ochiqlik va xohish-irodani erkin ifoda qilish siyosatiga qaramay, 2022 yil 1 iyul kuni Nukus shahrida bir guruh jinoyatchi shaxslar tomonidan Qoraqalpog`iston Respublikasining davlat boshqaruvi organlarini egallashga urinishda ifodalangan g`ayriqonuniy harakatlar tashkil etilgan.
Ayni vaqtda huquqni muhofaza qilish organlari tomonidan qabul qilingan qat`iy choralar bilan tashabbuskorlarning g`ayriqonuniy xatti-harakatlari to`xtatilib, ommaviy tartibsizlik uyushtirishga urinishlar tarqalishiga chek qo`yilgan va vaziyat barqaror.
Dilbar Abdunabieva.