Qozog`istonning Nur-Sulton shahrida boks bo`yicha xalqaro musobaqa o`z nihoyasiga etdi. Kuchli boks maktabiga ega bo`lgan 10 dan ortiq mamlakat vakillari ishtirok etgan turnirda o`zbeklar jamoasi 16 ta medal jamg`arishdi.
Bu haqda O`zbekiston Milliy Olimpiya Qo`mitasi xabar bermoqda.
Ma`lum qilinishicha, murosasiz janglar yakunida Lazizbek Mullojonov hamda Nigina O`ktamova oltin medallarga sazovor bo`lishgan. Musobaqa yakuniga ko`ra, O`zbekiston erkaklar va ayollar terma jamoalari 2 ta oltin, 5 ta kumush va 9 ta bronza medallarini qo`lga kiritdishgan.
Eslatib o`tamiz, terma jamoa safida quyidagi bokschilar sovrindor bo`lishdi:
Oltin:
-54 kg: Nigina O`ktamova;
+92 kg: Lazizbek Mullojonov.
Kumush:
-50 kg: Sabina Boboqulova;
-52 kg: Feruza Kazakova;
-57 kg: Sitora Turdibekova;
-48 kg: Asilbek Jalilov;
-75 kg: Saidjamshid Jafarov.
Bronza:
-48 kg: Farzona Fozilova;
-48 kg: Marjona Savrieva;
-66 kg: Navbahor Hamidova;
-75 kg: Sohiba Ro`zmetova;
-51 kg: Shahzod Muzaffarov;
-57 kg: Dilshod Abdumurodov;
-60 kg: Adhamjon Muhiddinov;
-63,5 kg: Mujibillo Tursunov;
+92 kg: Jahongir Zokirov.
Ma`lumot uchun, sal avval yosh taekvondochi Charos Qayumova dunyo reytingida 1-o`ringa ko`tarilgani haqida xabar bergan edik.
