Oltiariqlik jahon chempioni, karatechi Dostonbek Otabolaev AQShning Alabama shtati Birmingem shahrida bo`lib o`tayotgan XI Butunjahon o`yinlarida bronza medalni qo`lga kiritdi.
Hamyurtimiz ushbu musobaqaning karate bo`yicha bahslarida 75 kilogram vaznda gilamga chiqdi. Dastlab Dostonbek guruh bahslarida Tomas Skott (AQSh), Gabor Xarshpataki (Vengriya) hamda Xsyu Vey-Chunga (Xitoy Taybeyi) qarshi bellashuvlarda muvaffaqiyatli ishtirok etib, ikkinchi o`rin bilan yarim finalga yuksaldi.
Final yo`llanmasi uchun bahsda ukrainalik Stanislav Xorunaga imkoniyatni boy berib qo`ygan sportchimiz, bronza medali uchun kurashda AQShlik Tomas Skottni mag`lub etdi.