O`zbekiston Prezidenti Shavkat Mirziyoevning taklifiga binoan Turkmaniston Prezidenti Serdar Berdimuhamedov 14 iyul kuni davlat tashrifi bilan mamlakatimizga keldi.
Toshkent xalqaro aeroportida uni O`zbekiston Bosh vaziri Abdulla Aripov, tashqi ishlar vaziri vazifasini bajaruvchi Vladimir Norov va Toshkent shahar hokimi Jahongir Ortiqxo`jaev kutib oldi.
Samimiy uchrashuvdan so`ng birodar mamlakat delegasiyasi “Yangi O`zbekiston” bog`iga tashrif buyurib, u erda Turkmaniston Prezidenti Mustaqillik monumenti poyiga gul qo`ydi.
Serdar Berdimuhamedov majmua me`moriy echimlari hamda kompozisiyasining mazmun-mohiyati va xususiyatlari bilan batafsil tanishdi.
O`zbekistonga tashrif buyurayotgan oliy martabali mehmonlarning ushbu muhtasham majmua bilan tanishuvi an`anaga aylangan.