Ayollar tabiatan mehribon xilqat bo`lganidan doimo kim uchundir qayg`urishni, mehr-muhabbat ko`rsatishni, qulay sharoit yaratishni xush ko`radi, deydi “Marketium.ru” nashri.
Ayollarning o`zini bunday tutishi tabiiy holdir, ammo erkaklar bilan bo`lgan munosabatda bu narsalar sal boshqacharoq tus olishi kerak. Erkak buyuk ishlarni amalga oshirishmoqchi bo`lganda avvalo o`z kuchiga ishonmog`i lozim. Ayol uni qo`llab-quvvatlasa-da, erkak mustaqil bo`lgani ma`qul.
Aksariyat ayollar erining boshiga biror ish tushadigan bo`lsa, hamma narsani tashlab uni qutqarishga yugurishadi. Agar erkakning erkak bo`lib qolishini, sizning suratingizda rafiqani ko`rishini istasangiz, bunday qilmang. Muammoni o`z kuchi bilan bartaraf etishiga, vaziyatdan mustaqil chiqib ketishiga izn bering.
Erkaklarga yordam berishda mumkin bo`lmagan holatlar
1. MOLIYaVIY TOMONDAN YoRDAM BERMANG
Agar erkak iqtisodiy tomondan qiynalib, bu haqda sizga gapirgan bo`lsa-da, unga yordam berish uchun qo`shimcha ish izlashga shoshilmang. Xuddi shunday xatolar tufayli ko`pchilik ayollar qiyin vaziyatlarga tushib qoladilar.
2. QIMMATBAHO SOVG`ALAR HADYa ETMANG
Erkakni qimmatbaho sovg`a hadya qilib, hayratda qoldiraman, deb o`ylamang. U sizdan foydalanishni boshlaydi. Yaxshisi undan mehr-muhabbatingizni, e`tiboringizni, ishonchingizni ayamang.
3. UNING MUAMMOLARINI EShITIB, AChINIShNI BAS QILING
Ba`zi bir erkaklar o`z muammolari haqida gapirib, ayolning rahmini keltirishni yaxshi ko`radi. Ayollar esa uning dardlarini eshitsam, uni tushunishga, yordam berishga harakat qilsam, munosabatlarimiz yanada chuqurlashadi, deb o`ylaydi. Bu ayollarga nisbatan ish berishi mumkin, erkaklar esa boshqacha yaratilgan. Bunday erkak har kuni kelib, sizga dardini aytgani bilan boshqa ayol bilan uchrashib, vaqtini u bilan o`tkazishi mumkin.
Unda biror muammo yuzaga keldimi, uni o`z holiga qo`ying. Muammoni mustaqil bartaraf etsin. Siz o`zingizni qanchalik xotirjam tutsangiz, unda o`ziga nisbatan ishonch paydo bo`ladi. Agar turmush o`rtog`ingiz bunday mushkul vaziyatga tushadigan bo`lsa, maslahat emas, quyidagi uning irodasiga, aqliy salohiyatiga doir savollarni bering:
• Umuman olganda, bu muammoni hal qilish mumkinmi?
• Nima deb o`ylaysiz, vaziyatdan chiqishning biror yo`li bormi?
• Bunday holatda nima qilsa to`g`ri bo`ladi?
Savollarni xovliqmay, xotirjam ravishda bering va qaror chiqarishni turmush o`rtog`ingizga qoldiring. Siz uni qo`llab-quvvatlagan odam bo`lib, shu bilan birga uning vaziyatdan chiqish yo`lini topishiga ishonch bildirgan bo`lasiz. Erkaklar uchun bunday hayotiy muammolarga uchrash, xato qilish juda muhimdir. Chunki shunday qiyinchiliklardan keyin u haqiqiy shaxs, irodali erkakka aylanadi.
4. MASLAHAT VA TURLI TAVSIYaLAR BERIShDAN O`ZINGIZNI TIYING
Erkakka turli maslahatlar va tavsiyalar berishdek xunuk odatdan voz keching. U sizdan maslahat so`ragan taqdirda ham aql o`rgatmay, “mendan ko`ra buni siz yaxshiroq bilasiz”, deb javob qaytaring. Maslahat berish — mas`uliyatning bir qismini bo`yningga olish deganidir. Yaxshisi bu vazifani erkaklarga qoldiring, ular buni ayollardan yaxshiroq uddalashadi.
5. O`ZINGIZNI AQLLI KO`RSATMANG
Aksariyat ayollar o`zining aqlligini ko`rsatish uchun kitoblar yig`ib, baland ovozda leksiyalar tinglab, videolar tomosha qilishadi. Bu noto`g`ri. Yaxshisi baxtli va quvnoq ayolga aylaning, odamlar bilan muloqot qilishni o`rganing. Sizni bunday holatda ko`rgan erkakning o`zi yoningizga kelib, nima qilayotganingiz bilan qiziqadi. Ayol shunisi bilan ayoldir. Agar aqlliligingizni ko`rsataversangiz, bu bilan erkakka ruhiy bosim o`tkazasiz.
