"Real Madrid" hujumchisi Karim Benzema "Sevilya"ga qarshi UEFA Superkubogi bahsini o`tkazib yuboradi. Bu haqda AS nashri xabar tarqatdi.
Ma`lumotlarga ko`ra, fransiyalik futbolchi belidan jarohat olgan va Superkubok o`yinigacha undan forig` bo`lolmaydi. Mazkur bellashuv 9 avgust kuni Norvegiyada bo`lib o`tadi.
Eslatib o`tamiz, mazkur o`yinda madridliklar hujumchisi Krishtianu Ronaldu ham maydonga tusha olmaydi. Bu haqda portugaliyalik futbolchi o`zi ma`lum qilgan edi.