Sal avval taniqli og`ir atletikachi Ruslan Nuriddinov Islom birdamligi o`yinlarining rekordini o`rnatgani haqida xabar bergan edik.
Ayni damda O`zbekiston Milliy Olimpiya qo`mitasi bergan ma`lumotga ko`ra, og`ir atletikachi Akbar Jo`raev ham mutlaq chempion bo`ldi.
+109kg vazn toifasida O`zbekiston sharafini himoya qilgan Jo`raev dast ko`tarishda 200kg bilan rekordi o`rnatgan va oltin medal sohibi bo`lgan.
"Siltab ko`tarish mashqida ham Akbar raqiblariga hech qanday imkoniyat qoldirmadi. Uchala urinishidan unumli foydalandi (23, 242, 246). Yangi rekord va ikkinchi oltin medalini yutdi",-deyiladi xabarda.
Ikki kurash natijasi (446kg) bilan u mutlaq chempionlikni qo`lga kiritish barobarida delegasiya uchun muhim 3 ta oltin medalni ham taqdim qilgan.
Bugun, shuningdek, 4 nafar o`zbek dzyudochilari ham raqiblarini mag`lubiyatga uchratib, oltin medalga sazovor bo`lishdi. Xususan, -57 kg vazn toifasida qatnashgan qoraqalpog`istonlik dzyudochi finalda jazoirlik Yamina Xalatani ippon bilan mag`lubiyatga uchratdi.
