Turkiya prezidenti Rajab Toyyib Erdo`g`on va O`zbekiston Prezident adminstrasiyasi rahbari Sardor Umurzoqov poytaxt Anqaradagi prezidentlik majmuasida uchrashdi. Bu haqda "Anadolu" axborot agentligi xabar bermoqda.
Ma`lum qilinishicha, kecha, 25 oktyabr kuni Erdo`g`on Sardor Umurzoqovni qabul qilgan.
"Prezidentlik majmuida yopiq eshiklar ortida o`tkazilgan uchrashuv haqida boshqa ma`lumot berilmadi", - deyiladi xabarda.
Ma`lumot uchun: 1991 yil 16 dekabr kuni Turkiya O`zbekistonni mustaqil davlat sifatida birinchi bo`lib tan olgan. 1992 yilda ikki davlat o`rtasida diplomatik munosabatlar o`rnatilgan.
