Xitoyning Xenan provinsiyasi Anyan shahridagi zavodda yuz bergan yong`in oqibatida kamida 38 kishi qurbon bo`ldi, deb xabar bermoqda mahalliy OAVga tayanib "interfax".
Yong`in o`tgan dushanba kuni mahalliy vaqt bilan 16:00 atrofida boshlangan. Zavod Kaixinda Trading Co., Ltd kompaniyasiga tegishli.
OAV ma`lumotlariga ko`ra, yong`inni o`chirishga 63 birlik texnika va 240 dan ortiq o`t o`chiruvchi jalb qilingan. Seshanba kuni ertalabdan boshlab yong`in nazoratga olindi, qutqaruvchilar korxonaning jiddiy shikastlangan binosida odamlarni qidirishni davom ettirmoqda.
Yong`in sabablari hozircha ma`lum qilinmagan.