Kim Chen Inning singlisi Kim Yo Chjon Janubiy Koreya prezidentini "ahmoq” deb atadi. Bu haqda "Zamon.uz" "Yonhap" agentligiga tayanib xabar berdi.
U Seulning KXDR raketa sinovlarini provokasiya sifatida baholaganiga va Pxenyanga qarshi sanksiyalarni kengaytirishga berilgan taklifga shu tariqa munosabat bildirdi.
“Bu harakatlar Janubiy Koreyaning AQSh qo`lida qo`g`irchoq ekanini ko`rsatadi. Men janubliklarning nima uchun Yun Sok Yol va boshqa ahmoqlarning xatti-harakatlariga sust munosabat ko`rsatib kelayotganidan hayratdaman”, – degan Kim Yo Chjon.
Keyinchalik Janubiy Koreya ushbu bayonotga munosabat bildirdi. Xususan, mamlakatning birlashuv vazirligi Kim Yo Chjon so`zlaridan chuqur taassufda ekanini ma`lum qilgan.
