Davlat chegarasining qirg`iz-tojik uchastkasida Tojikiston va Qirg`iziston fuqarolari o`rtasida mojaro yuz berdi. Bu haqda Qirg`iziston Milliy xavfsizlik davlat qo`mitasi chegara xizmati xabar qildi.
Ma`lum qilinishicha, Tojikistonning Somonen qishlog`i orqali Daxma qishlog`i tomon ketayotganda Qirg`iziston fuqarosi bilan Tojikiston fuqarolari o`rtasida o`zaro janjal kelib chiqqan va ular qirg`izlarga nisbatan haqoratomuz so`z ishlata boshlagan. Ular o`rtasida janjal kelib chiqqan.
Mojaro avj olishi va fuqarolarning tarqalib ketishining oldini olish maqsadida Qirg`iziston fuqarosi ov qurolidan foydalanib, havoga uch marta ogohlantiruvchi o`q uzgan. Voqea holatlari va sabablariga oydinlik kiritish maqsadida hozirda IIBda yig`ilish o`tkazilmoqda.
Ayni paytda Tojikiston tomoni bir kishining kasalxonaga yotqizilgani haqida xabar bermoqda.
Asia-Plus nashrining yozishicha, Qirg`iziston fuqarolari Tojikistonning Chorkuh mahallasidagi Somonen qishlog`ida yashovchi fuqaroni armatura bilan kaltaklagan. Shundan so`ng qirg`iz chegarachilari Tojikiston tomoniga bir necha marta o`q uzgan. Jarohatlangan fuqaro kasalxonaga yotqizilgan, ikki davlat chegarachilari muzokaralar olib bormoqda.
