O`tgan haftada Er yuzi bo`yicha 3,3 milliondan ortiq kishiga SOVID-19 tashxisi qo`yildi. Ulardan qariyb 9,8 ming nafari kasallik oqibatida hayotdan ko`z yumdi. Bu haqda Sog`liqni saqlash vazirligi Matbuot xizmati xabar bermoqda.
Jahon sog`liqni saqlash tashkiloti tahliliga ko`ra, 5-11 dekabr kunlari sayyoramizda koronavirusga chalinish holatlari undan avvalgi haftaga nisbatan 2 foiz, o`lim ko`rsatkichlari esa 10 foizga oshgan.
Bemorlar sonining sezilarli ko`payishi Amerika (+27 foiz) va G`arbiy Tinch okeani mintaqasi (+3 foiz) mamlakatlarida kuzatildi. Afrika (-73 foiz), Janubi-Sharqiy Osiyo (-33 foiz) va Evropada (-11 foiz) esa buning aksi qayd etildi.
O`lim ko`rsatkichlari asosan Sharqiy O`rta er dengizi mintaqasi (+81 foiz) hamda Janubiy va Shimoliy Amerikada (+37 foiz) oshgan.
O`tgan haftada eng ko`p bemorlar aniqlangan mamlakatlar:
Yaponiya — 841 ming
AQSh — 448 ming
Janubiy Koreya — 420 ming
Fransiya — 366 ming
Braziliya — 194 ming
Eng ko`p o`lim holatlari qayd etilgan davlatlar:
AQSh — 2934
Yaponiya — 1358
Braziliya — 603
Fransiya — 478
Italiya — 475.
