"Matchroom Boxing" professional boksning WBA va IBF yo`nalishlari bo`yicha yarim engil vazn toifasida jahon chempioni Murodjon Ahmadaliev ishtirokidagi navbatdagi jangni rasman e`lon qildi.
Professional bokschimiz joriy yil 8 aprel kuni AQShning Texas shatatida o`tkaziladigan professional boks oqshomida o`ziga tegishli WBA va IBF kamarlarini filippinlik Marlon Tapalesdan himoya qiladi.
Ahmadaliev bugungi kungacha professional boksda 11 ta jang o`tkazib, barchasida g`alaba qozongan. 8 ta jangni u muddatidan oldin yakunlagan.
30 yoshli Marlon Tapales esa professional boksda 39 marotaba ringga ko`tarilgan. Janglarining 36 tasida g`alabaga erishgan (19 ta nokaut). 3 ta jangda mag`lubiyatga uchragan.
