Istanbulda 93 ta maktabni yopish rejalashtirilmoqda

Istanbul ma`muriy boshqarmasi seysmik xavfsizlik talablariga javob bermaydigan 93 ta maktabni yopishni rejalashtirmoqda. Ulardan 76 tasi buziladi yoki rekonstruksiya qilinadi, 17 tasi esa ta`mirlanadi, deb xabar beradi boshqarmas sayti.

«20 fevral kuni mazkur maktab o`quvchilari tuman hokimlari bilan kelishilgan holda xavfsiz maktablarga o`tkaziladi. 51995 nafar o`quvchi va 2765 nafar o`qituvchi seysmik xavfsiz maktablarga boradi», - deyiladi Istanbul ma`muriy boshqarmasi xabarida.

Seysmik xavf darajasini pasaytirish maqsadida Istanbul maktablari tekshirildi. Shaharda 1999 yilda qurilgan 1418 ta maktabning 67 tasini seysmik jihatdan kuchli deyish mumkin, 1351 ta maktab xavfli holatda.