Belarus prezidenti Aleksandr Lukashenko 12-13 mart kunlari rasmiy tashrif bilan Eronda bo`ladi. Bu haqda juma kuni Belarus rahbari matbuot xizmati xabar berdi.
"Tehronda Belarus davlati rahbari Eron prezidenti Ibrohim Raisi bilan muzokaralar o`tkazadi. Tehrondagi muzokaralarning asosiy mavzusi savdo-iqtisodiy hamkorlikka e`tibor qaratgan holda ikki tomonlama munosabatlarning barcha spektrlari bo`yicha o`zaro hamkorlikni rivojlantirish bo`ladi", - deyiladi xabarda.
Prezidentlarning uchrashuvi tor va kengaytirilgan tarkibda o`tkaziladi.
"Tomonlar sanoat, qishloq xo`jaligi, transport va logistika sohalaridagi loyihalarni amalga oshirishni muhokama qiladi. Mintaqadagi va butun dunyodagi vaziyatga alohida e`tibor qaratiladi", — deyiladi matbuot xizmati xabarida.
Muzokaralar yakunida qator hujjatlar imzolanishi kutilmoqda.
“Tashrifning markaziy voqealaridan biri Belarus va Eron o`rtasida keng qamrovli hamkorlik bo`yicha keng qamrovli yo`l xaritasini imzolash bo`ladi”, - deya ta`kidladi matbuot xizmati.
