Kim aytdi pissani uyda tayyorlab bo`lmaydi deb?!
Piss, bu — italyancha pirog. Uni tayyorlash murakkab emas. Buning uchun siz xamirini qilishni o`rgansangiz bas. Keyin o`zingiz xohlagan mahsulotlarni solib, pishirishingiz mumkin.
Xamirini tayyorlash uchun: 350 gr. un, 250 ml. qaynatilgan suv, 1 osh qoshiqdan shakar va zaytun yog`i, yarim choy qoshiq xamirturush, tuz.
1. Xamirturush va shakarni 4 osh qoshiq qaynatilgan suv bilan aralashtiring. 15 daqiqa tindirib qo`ying. Un bilan tuzni aralashtirib, o`rtaga uying. Zaytun yog`i, xamirturushli aralashma va qolgan suvni soling. Qoshiq bilan xamirni aralashtiring. Xamirni oshtaxta ustiga qo`yib, un sepib 5 daqiqa qoring. Tog`oraga solib, sochiq yopib, 30 daqiqa tindiring. Tindirish davomida 2 marta qoring.
2. Tindirilgan xamirni yana bir marta qorib, qo`l yordamida cho`zing. Qizdirilgan tovaga soling. Xamir qalinligi 6 mm. bo`lishi kerak. O`rtasini qo`lingiz bilan bosib chiqing.
«Margarita»
Ichiga solishga: 300 gr. o`z sharbatiga pamidor, 2 bo`lak sarimsoq piyoz, 100 gr. yumshoq pishloq, quritilgan rayhon va tomat, 1 osh qoshiq zaytun yog`i, tuz, murch.
1. Pamidor, maydalangan sarimsoq piyoz, rayhonni zaytun yog`ida qovuring. Tuz, murch seping. 20 daqiqa qovurgach, tomat qo`shing. Keyin sovuting.
2. Pamidorli qaylani quyib, ustidan qirg`ichdan o`tkazilgan pishloq solib, 200 darajada qizdirilgan gaz pechiga 25 daqiqaga qo`ying.
Tayyorlanish vaqti: 1 soatu 45 daqiqa
«Oltin quyosh»
Ichiga solishga: 4 dona qaynatilgan tuxum, 2 tadan pamidor va tuzlangan bodring, 200 grammdan pishloq, kolbasa va qo`ziqorin, 1 bosh qizil piyoz, mayonez, ketchup, tuz.
1. Pissa xamirining yuziga ketchup va mayonez surting.
2. Qaynatilgan tuxum, kolbasa va tuzlangan bodringni aylana shaklida to`g`rang.
3. O`simlik yog`ida aylana shaklida to`g`ralgan qo`ziqorinlarni 40 daqiqa davomida qovuring. Pissa xamirining o`rtasiga kolbasa, keyin tuxum, qo`ziqorin va bodringni taxlab qo`yib chiqing. Ustidan aylana shaklida to`g`ralgan pamidorni ham joylashtirib chiqing. Mayonez va ketchup surting. Ustidan halqalanagan qizil piyoz va qirg`ichdan o`tkazilgan pishloqni terib chiqing.
200 darajada qizdirilgan gaz pechida 30 daqiqada tayyor bo`ladi.
Tayyorlanish vaqti: 1 soatu 30 daqiqa
11.11.2020, 21:22
"Aholining sog`lom ovqatlanishini ta`minlash bo`yicha qo`shimcha chora-tadbirlar to`g`risida" gi Prezident qarorida qayd etilishicha, oziq-ovqat mahsulotlarining tarkibida tuz, qand va yog` miqdori inson sog`lig`i uchun xavfsiz...30.06.2017, 15:55
Zarur masalliqlar: 200 gr. qaynatilgan no`xat, 2 donadan baqlajon, pomidor va bulg`or qalampiri, 3 bo`lak sarimsoqpiyoz, 2 osh qoshiq soya sousi, o`simlik yog`i, limon sharbati,...24.06.2017, 11:23
Zarur masalliqlar: xamiriga: 270 gr. un, 180 gr. sariyog`, 80 gr. shakar, 1 dona tuxum, yarim choy qoshiq xamiryumshatgich, tuz; ichiga solishga: 750 gr. tvorog,...23.06.2017, 11:11
Zarur masalliqlar: 300 gr. tvorog, 200 gr. o`rik mevasi, 200 ml. smetana, 180 gr. shakar, 100 grammdan uvadalanuvchi pechene va sariyog`, 2 dona tuxum, pichoq...