Qanchalik g`alati eshitilmasin, insonning muhabbat borasida omadi chopmasligi o`ziga bog`liq. Yolg`izlikdan qutulib, baxtli hayot kechirish, ko`nglingizga yoqadigan odamni uchratish, o`z qo`lingizda! AdMe.ru nashri “Eh, muhabbat bobida shu ayolning omadi chopganda!” deb gapiriladigan ayollar haqida ma`lumot beradi.
Bir marta xato qilgan odam kelajakda yana shu xatoning takrorlanishidan qo`rqadi. Muhabbat bobida omadi kelgan ayollar esa bu xatolardan saboq olib, ularning takroran ro`y berishiga yo`l qo`ymaydi.
Hayotimizda ro`y bergan voqealar bizga ko`p narsani o`rgatadi, ularning sharofati bilan hayotiy tajribamiz oshadi. O`tmishda hayotingizda ro`y bergan voqealardan kelajakda o`zingizga foydasi tegadiganini ajratib oling. Endi siz eng yuqori pog`onaga ko`tarildingiz, yangi munosabatlar batamom pishiq-puxta va bekamu-ko`st bo`ladi.
Aksariyat ayollar ota-onasining hayotini o`ziga namuna qilib, juftiga shu tarzda muomala qilishadi. Agar qizning onasi eridan ko`ngli qolib, yaxshi hayot kechirmagan bo`lsa, qizining ham shaxsiy hayoti muammoga to`la bo`ladi.
Ammo har bitta odam o`ziga xos, individual bo`lgani uchun hayotda ham o`zi mustaqil fikr yuritishi lozim. Mabodo, oilaviy hayotingiz ota-onangizning turmushini yodingizga soladigan bo`lsa, to`xtang, vaqt borligida nima uchun bunday bo`layotgani haqida o`ylab ko`ring. Vaqtni boy bermay, turmush o`rtog`ingizga nisbatan munosabatingizni o`zgartiring, o`tmish xotiralaridan qutulib, faqatgina o`zingizga tegishli bo`lgan shaxsiy munosabatlaringizni yo`lga qo`ying.
O`ziga yuqori baho berish Er yuzida yashovchi barcha insonlarga xos muammodir. Ba`zi ayollar juftining hisobiga o`ziga yuqori baho berib, katta xatoga yo`l qo`yadilar. Bu erda ikki yo`l bor, ammo ularning har ikkalasi ham yaxshilikka olib kelmaydi:
• Ular juftining yuqori martabaga ko`tarilishiga yordam berib, o`zlariga past baho berishadi va o`zini unga tobe hisoblashadi. Hamma tomonlama yordam berishga harakat qilishadi.
• Ba`zi ayollar esa turmush o`rtog`ini erga urish hisobiga o`zlarining bahosini oshiradi.
O`zingizga juftingizning hisobidan yuqori baho bermang. Yaxshisi, fitnes yoki raqs bilan shug`ullaning, yaqin do`stlaringiz bilan uchrashib, suhbatlashing. Shundan keyin qanday qilib kayfiyatingiz ko`tarilganini va o`zingizga nisbatan ishonch paydo bo`lganini sezmay qolasiz.
Juftingizni barcha nuqsonlari va kamchiliklari bilan qabul qilishni o`rganing, uni o`z ehtiyojlaringizga moslab o`zgartirishga harakat qilmang.
Turmush o`rtog`ingizning ojiz tomonlarini ko`rmaganlikka oling, uni noqulay ahvolga soluvchi vaziyatlardan qoching. Xushmuomala bo`ling, uning kuchli tomonlariga diqqatingizni qarating.
Juftingizning fe`l-atvori orzungizdagi ideal erkakning tabiatiga mos kelmasa, uni qayta tarbiyalashga, boshqa odamga aylantirishga intilmang. Uni o`z qiziqishlari, xohishlari bilan yashashiga imkon bering. Turmush o`rtog`ingizning qiziqishlarini qo`llab-quvvatlang, uni rag`batlantiring.
Ba`zi juftliklarda juftlardan biri ikkinchisining qiziqishlari, muammolari bilan yashaydi. U juftining hayoti, his-tuyg`ulari bilan yashagani bois, o`ziniki ahamiyatsiz tuyuladi.
• O`zingizga qiziqarli xobbi toping. Har bir odamning o`z qiziqishlari bo`lishi, munosabatlar uchun juda foydalidir.
• Distansiya saqlang: juftingizga erkinlik va har doim birinchi bo`lib o`zi qo`ng`iroq qilish imkonini bering. Barcha tashabbusni uning elkasiga ortib qo`ymang, ba`zan o`zingiz ham faol bo`ling.
• Eski do`stlaringiz, dugonalaringizning oilasi bilan muloqotda bo`ling. Ular bilan uchrashib, kechalar tashkil eting.
• O`zingizga baho berish usulini toping: bu haqda yozilgan maqolalarni, maxsus adabiyotlarni o`qing. Qiyin vaziyatlarda psixologga uchrashishdan tortinmang.
23.08.2021, 16:08
Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...01.06.2021, 18:32
So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...13.05.2021, 22:34
Farg`ona viloyati Marg`ilon shahrida 32 yashar ayol uyining tomorqasida ko`knori o`simligi etishtirayotgani aniqlandi, deya xabar bermoqda IIV matbuot xizmati.Qayd etilishicha, 2021 yilning 5 may kuni...13.12.2019, 10:00
Joriy yilning 5 dekabr kuni soat 13:00larda Navoiy shahrida yashovchi, 1974 yilda tug`ilgan L.A. ismli ayolning uyiga tanishlari mehmonga keladi.Ulardan biri 1972 yilda tug`ilgan D.K....