Xorijdagi o`zbeklarni birlashtiradigan Uzbekistan’s club portali ishga tushdi. Bu haqda loyiha jamoasi ma`lum qildi.
Portal o`z oldiga xorijda turli sohalarda, dunyoning eng ko`zga ko`ringan, global miqyosda mashhur korxonalarida, tashkilotlarda muvaffaqiyatli ish olib borayotgan, o`zbek yoshlariga namuna bo`la oladigan vatandoshlarimizni bir global maydonda birlashtirishni o`z oldiga maqsad qilib qo`ygan.
Shu paytga qadar ularni birlashtirib turuvchi yagona platforma bo`lmagan. Shularni inobatga olib jamoa shu kabi odamlarni birlashtiruvchi va O`zbekiston bilan aloqalarda ko`prik sifatida xizmat qiluvchi platformani yaratdi. Platformaning maqsadi ushbu maydonni o`zbekistonliklarning aqliy salohiyati xabiga aylantirishdan iborat.
