Rossiya hukumati 2023 yilda migrasiya sohasidagi axborotni monitoring qilish va qayd etishning yagona tizimini ishga tushirish bo`yicha eksperiment o`tkazishni rejalashtirmoqda. Bu haqda "Zamon.uz" xabar bermoqda.
Rossiya Iqtisodiy rivojlanish vazirligining materialida xorijiy fuqarolar uchun xizmatlarning asosiy qismini raqamlashtirish va immigrasiyadan oldingi markazlarni (O`zbekiston, Tojikiston, Qirg`iziston) tashkil etish bo`yicha shartnomalar imzolash rejalashtirilgan.
Bundan tashqari, joriy yilda Rossiya iqtisodiyoti tarmoqlarining xorijdan mehnat resurslariga bo`lgan ehtiyojlarini baholash metodikasini ishlab chiqish va 2025 yilgacha davlat migrasiya siyosati konsepsiyasini aktuallashtirish rejalashtirilgan.
Aprel oyi o`rtalarida Rossiya Migrantlar federasiyasining sobiq rahbari Vadim Kojenov migrasiya sohasidagi hozirgi vaziyatda bir qator dolzarb muammolar pishib etilganini ta`kidladi. Xususan, uning so`zlariga ko`ra, gap xorijliklarni migrasiya ro`yxatidan o`tkazish muammosi haqida bormoqda – mavjud mexanizmlar eskirgan, barcha tartib va jarayonlarni isloh qilish talab etiladi. Shu munosabat bilan Kojenov migrantga alohida ilova yoki davlat xizmatlari portalidagi akkaunt orqali o`zini migrasiya ro`yxatidan o`tish imkoniyatini berishni taklif qildi.
