Ilon Mask kompaniyasiga tegishli tarixdagi eng og`ir raketalar — Starship va Super Heavy’ning sinov parvozi omadsizlikka uchradi. Raketalar havoda portlab ketdi.
Ma`lum qilinishicha, parvoz deyarli to`rt daqiqa davom etgan. Parvoz videosidan ma`lum bo`lishicha, Starship o`z dvigatellarini ishga tushirishga harakat qilgan, ammo bu hech qanday o`zgarishga olib kelmagan.
Parvoz vaqti 3 daqiqa-yu 59 soniyaga etganda ikkala qismda ham portlash yuz berdi. Portlash o`z-o`zidan sodir bo`lganmi yoki parvozni boshqarish markazi uchishni tugatish tizimini faollashtirganmi, hozircha noma`lum.
