Transport vazirligi er usti xalqa metro yo`lining II bosqichi doirasida qurib bitkazilgan beshta bekatda yo`lovchi tashuvlari boshlangani haqida xabar berdi.
Ma`lum qilinishicha, Qo`yliq—Quruvchilar uchastkasida qurilish ishlari tugatilgan beshta bekatning umumiy uzunligi 7,74 kilometrni tashkil etadi. Shunday qilib, Toshkent metropolitenining bekatlari soni 48 taga etgan.
«Er usti metrosi qurilishining ikkinchi bosqichi to`liq yakunlanishi bilan Toshkent metropolitenining jami uzunligi 70 kilometrdan ziyod, bekatlar soni 50 ta bo`ladi», deyiladi xabarda.
